Nasionale Veiling en Die Rooi Ras geleentheid

Nasionale Veiling en Die Rooi Ras geleentheid

Die jaarlikse Bonsmara funksies het begin alreeds op die Dinsdag met die ras se jaarlikse algemene jaarvergadering en kommunikasie oggend vir telers. Soos altyd was dit uitstekend bygewoon met meer as 100 stoete wie se telers teenwoordig was. Tydens die jaarvergadering is mnr. Hennie Coetzee as die nuwe voorsitter verkies en mnre Nick Serfontein en Justin Stirk nuut tot die raad verkies.

Die Woensdag was weer oop vir die wye publiek met uitstekende sprekers wat Die Rooi Ras Geleentheid afgeskop het. Mev. Annie Coetzee het ‘n motiveringspraatjie gegee wat veral gefokus het oor hoe positiewe denke ‘n besigheid en die besluitneming kan bevoordeel. Jan de Jong het ‘n oorsig gegee oor die stand van die Suid Afrikaanse veebedryf en hoe die Bonsmara genootskap en ras ten tye van baie veranderinge dit steeds regkry om ‘n leier vir die bedryf te wees. Nick Serfontein en Hendrik van Pletzen het ook praatjies gelewer namens die Sernick Groep en Voermol onderskeidelik wat hoofborge was tydens die Geleentheid. Albert Loubser van Plaasmedia het ook Johnsson Hempde aan die nuutverkose voorsitter mnr. Hennie Coetzee oorhandig.

Om 12h00 het die Bonsmara SA Nasionale Vroulikedier Veiling afgeskop.

Die nasionale veiling het uitstekende pryse behaal met rekords wat gespat het vir Bonsmara vroulike diere op ‘n veiling. Top pryse is deur alle telers behaal en die belangstelling in kwaliteit vroulike diere het net weer beyws dat Bonsmaras in groot aanvraag is in die veebedryf.